店長他｜2026.04.25

外國散文家、譯者Eliot Weinberger寫咗本《Nineteen Ways of Looking at Wang Wei》，加埋後來增訂嘅內容，評價咗王維〈鹿柴〉35個譯本優劣。

王維〈鹿柴〉中學應該讀過：
空山不見人，但聞人語響。
返景入深林，復照青苔上。

呢20隻字，已經夠令譯者頭痕。
🤔 讀音上，（主要係英文）譯文點樣顧及意思，又顧及節奏？漢字一字一音，英文唔係呢個玩法。
🤔 內容上，點理解「返景」同「復照」嘅關係、畫面？
🤔 意境上，攞過諾貝爾獎嘅墨西哥詩人帕斯，提到〈鹿柴〉好難翻譯，因為「它把中國詩的一些特色展現到極致：普遍性、人類主體的消失、無時間、無主題」。

鍾意作者有啲幽默又mean mean地。
🤨 佢批評流傳最廣嘅英譯本，將空山寫到家庭郊遊咁：

//很遺憾的是，羅賓遜的〈鹿柴〉譯本是英語世界裡最廣爲流傳的版本，因爲這本《王維詩選》是由企鵝出版社（PenguinBooks）出版。

在這個版本裡，羅賓遜創造出的敍述者不只一位，而是人數衆多，彷彿是登山野遊的家庭。We這個主詞一出現，等於毀了整首詩的意境。// 
——p.49

🤨 又批評有譯者睇唔起首詩，翻譯嗰陣加咗好多色水嘢：

//不過，喜歡華麗詞藻的人看了都會很有感：「青苔」變成jade-green mosses〔 翠綠苔蘚〕，陽光投射出motley patterns〔五顏六色的圖案〕。

這是譯者企圖「改善」原文的典型例子。這類案例並不罕見，反映出譯者輕蔑外國詩人，只是沒說出口的心態。張郢南與黃思禮沒有意識到的是：難道王維沒有足夠的文采寫出意義相當於「把五顏六色的圖案投射在翠綠苔蘚上」的華麗句子？他只是不想而已。// 
——p.28

最後都要感歎，更加癲嘅係，呢本書原文係英文，台灣知名譯者陳榮彬要將書中提到嘅〈鹿柴〉英譯本sss，又譯返晒做對應嘅中文畀我哋睇，難度100分。王維寫詩——譯者們翻譯——作者Eliot Weinberger評論——陳榮彬再翻譯以上內容，呢個傳遞過程好有趣，呢本書都好好玩，薄薄地輕鬆睇完。

====================

《觀看王維的十九種方式》

作者：艾略特‧溫伯格 (Eliot Weinberger)

譯者：陳榮彬

出版社：大家出版

出版日期：2023年11月